Potufigàri est una bidda de sa Provìntzia de Tàtari. At una populatzione de 730 abitantes
   e un'istèrrida prus o mancu de 53 kmq. (5312 ha).
   Làcanas: A Nord e Nord Est làcanat cun su Comune de Uri, a Ovest cun su Comune
   de s'Alighera, a Sud cun su Comune de Biddanoa Monteleone a Est cun su Comune de Ìttiri.
   Rios e montijos: su logu est prus de totu fatu dae montijos, sos montes prus importantes sunt:
   Monte Murone(493 mt), Monte Ippas (347 mt), e Monte Maiore (331 mt).
Sos rios prus importantetes sunt: su Riu "Sette Ortas", chi, s'agatat in territòriu de Biddanoa
benende dae Monte Fulcadu; su Riu Badde Mela, chi sighende cun diversos nòmenes, abbòjat su Riu Sette Ortas e frommat su Riu "Serra".
Postura (collocatzione): Potufigàri est collocadu in s'istrada provintziale chi dae s'istatale 127 bis giughet a Biddanoa Monteleone.

Zonas de fora bidda:: Sas zonas in ue s'agatant sos montijos prus importantes sunt cussas de: Pagliaresu, in ue bat su 90% de sas binzas e
de sos oliàrios de sa bidda. Si bi podet lòmpere dae un istrada chi partit dae Su Cottone e arrivit a Sa Tanca Noa. In Pagliaresu b'at una funtana
e un'àrea frunida (atretzada) cun bancas e setzidozos pro sos chi bi lompent. Àteras funtanas cun àreas frunidas s'agatant in s'istrada pro Biddanoa
(localidade Seddonai) e a sa bessida de sa bidda, aprobe a su campusantu. Bella meda est sa localidade Tuvu e Jolzi, s'àrea est frunida cun bancas
e setzidolzos in pedra, b'at un altare e una capella in pedra in ue b'est un istàtua intitulada a Santu Juanne. Monte Maiore est su montiju chi dominat
Su Padru, (periferia nord de s'abitadu), dae sa cale si podet bìdere totu su golfu de s'Alighera. Meda bella est sa visuale subra s'Alighera chi si bidet
dae Su Fiorentinu.
Cullegamentos: Potufigàri est cullegada a s'Alighera o passende dae Biddanoa (34 Km) o passende dae su Cuga ( 22 Km).