Su Comune de Potufigàri faghet parte de s'àrea "glottologia" logudorese nord Occidentale.
    Est collocadu in s'antiga curatoria de "Coros".

Sa limba sarda est imprenda dae su 70% de sa populatzione, prus de totu dae sos mannos
intro de domo e dae sos massajos, sos pastores e sos murajolos (sos chi traballant sa pedra).
    Sos giovanos, cumprendent su sardu e lu faeddant intro de domo, cun sos donnomannos o
cun parentes antzianos, puru si su sardu chi faeddant issos est prenu de calcos dae s'italianu.
    Sas còpias giovanes cun sos fìgios faeddant in italianu ca pensant chi "chie faeddat s'italianu
dae minore, in iscola s'agatant mègius"

    Sa polìtica linguìstica de sa Regione Autonoma de sa Sardigna a poi de sa L.R. n. 26 de su 1997,
e de sa L. n. 482 de Nadale 1999, chi tendet a tutelare e a cuntivizare sa cultura e sa limba sarda,
finas a sa pratica de su bilinguismu sardu-italianu in sos ufìtzios, at cunsentidu in custos ùrtimos annos
un'atividade de isperimentatzione finalizada a s'impreu de su sardu puru comente limba pùblica e no
solu comente limba privada e de su tempu lìberu.

    Custu est servidu a favorire sa fidùtzia in s'usu de sa limba locale.

    Rispetu a sa variedade logudorese inue est inseridu su sardu de Potufigàri, su faeddu locale cambiat,
siat rispetu a su logudorese de su tzentru, siat a su logudoresede sa parte tzentru – setentrionale e
setentrionale pro calchi tratu de su consonantismu”.