Su costùmene de Potufigàri, est cussu de su Logudoro, de sa zona Nord occidentale de sa Sardigna.
   In usu dae sos primos de su Otighentos est arrividu finzas a nois chenza perunu mudonzu.
   Su costùmene est su bestire chi in su tempus coladu impreaiant sos massajos chi tando fiant sos
   prus numerosos de sa populatzione. Issos, a diferèntzia de oe, aiant unu bestire pretzisu pro totu,
   siat in su modellu chi su tèssidu. Ogni comunidade aiat però unu costùmene pròpiu.
   Pro su chi pertocat Potufigàri esistiant duos costùmenes: su bestire de ogni die, e su bestire de muda,
   chi beniat impreadu in sas dies importantes.
   S'ùltimu beniat dadu in doda a sas fèmina cando si cojuaiat, issa si lu poniat pro sa primma borta sa
die de s'afidu. Àteras ocasiones pro si pònnere su costùmene fiant cussas de sa Festa Patronale, de
su Corpus Dòmini, de sa Chida Santa, de su carrasegare, etz.
Cun su mudamentu de sas abitudines su costùmene no benit prus impreadu.
Pro fortuna sunt istados cobrados costùmenes antigos chi ant adduidu de torrare a fàghere su costùmene de in antis. Sunt istadas finas
cobradas prendas de sa traditzione potufigarese, comente sas arrecadas, medagliones, cadeninas, ispillas e butones de prata chi faghent
parte de "sa buttonera" cumposta dae deghe butones pro onni bratzu de su tipu "a mazzeddu".